قلبى ابو نص لسان

قلبى ابو نص لسان
اعملو ايه قلبى اللى بيحب
بيروح يحب وبيبهدلنى معاه
اقولو كفاية ياواد وارجع يقولى لا مش هارجع
اقولو كفاية وارجع واتعلم يقولى نسيت ده انا المعلم
واللهى ده تلميذ بردو ولسه بيتعلم
راح حب واحده وخدنى معاه اعملوه ايه فضحنى معاه
اجى انام يعملى دوشه عمال ينبض ويزن فى جسمى
اقولو مالك يقولى خليك فى حالك
يقولى انا بفكر فى اللى بحبو
اقولو ياعم نام وكفاك احلام يقولى انت تنام بس قلبك ما ينام
اقولو ليه يقولى حكمة الرحمن
اقولو لا اله الا الله
يقولى طيب ياعم خش نام
ده انت صحيح قلب لمض وعنيد
والله شكلك ياقلبى مريض يرد يقول مريض بحبيب
واللهى ياناس قلبى ده عملى جنان
راح مره يقابل حبيبو لاقها فى حضن غيرو
قعد يبكى وعملها احزان قولته مش قولتلك
قالى معرفش انو هايبئى حبيب خاين وجبان
قولتلو انت ياعم هاتقلبها احزان مش كفاية على وشى بيبان
قالى جرا ايه يانداغ اللبان
اللى يضحكنى ان قلبى طلع ليه فى الامثال
قولتلو ياريت تكون اتعلمت وفوقت من الاحلام
قالى يلا بئى كن ونام
مش نقصه فلسفة وكتر كلام
طب يلا ياقلبى نام ونتقابل انا وانت فى الاحلام
لقيتو بيقولى قلبى ابو نص لسان طب نام
قمت سمعت الكلام لقيتو بيقولى برافو بتسمع الكلام
قولتلو ياعم نام وياريت تتعلم من اللى بان
وتبقى زيى بتسمع الكلام
قالى بقولك ايه يلا نام ومش عاوز كتر كلام
وبكره نكمل الكلام